യുവരാജാവ്-കിരീടാവകാശി-വിവാഹം-രാജ്ഞി-വിത്തുകൾ

             വിശ്വസ്തത

ഒരു രാജ്യത്ത് മഹാരാജാവിന്റെ വിയോഗത്തിന് ശേഷം യുവരാജാവ് കിരീടാവകാശിയായിത്തീർന്നു..

  എന്നാൽ രാജ്യത്തെ നിയമപ്രകാരം ഭരണം എറ്റെടുക്കുന്നതിന് മുമ്പ് രാജാവ് വിവാഹിതനാകേണ്ടിയിരുന്നു...

ഭാവി രാജ്ഞിയാകേണ്ടവളായതിനാൽ യോഗ്യയായ ഒരു യുവതിയെ കണ്ടെത്തുന്നതിനായി രാജ്യത്തെ എല്ലാ യുവതികളെയും വിളിച്ചുവരുത്തി... 

എല്ലാ യുവതികളോടുമായി ഇങ്ങനെ പറഞ്ഞു :

 " ഞാൻ നിങ്ങൾക്കോരോരുത്തർക്കും ഓരോ വിത്തുകൾ വീതം നൽകും... ആ വിത്ത് നട്ടുവളർത്തി 

6 മാസത്തിനുള്ളിൽ അതിൽ നിന്നും ഏറ്റവും മനോഹരമായ പുഷ്പം എനിക്ക് സമ്മാനിക്കുന്നവളെ ഞാനെന്റെ രാജ്ഞിയായി സ്വീകരിക്കും..."'

കൊട്ടാരത്തിൽ എത്തിച്ചേർന്ന യുവതികളുടെ കൂട്ടത്തിൽ കൊട്ടാരം പരിചാരികയുടെ മകളും ഉണ്ടായിരുന്നു ...

 അവളും വിത്തു വാങ്ങി.. പക്ഷെ എത്ര കഷ്ടപ്പെട്ട് നട്ടുനനച്ചിട്ടും ആ വിത്തൊന്ന് മുളച്ചതു പോലുമില്ല...

 എങ്കിലും അവൾ പ്രതീക്ഷ കൈവെടിയാതെ 6 മാസവും ശ്രമിച്ചു കൊണ്ടേയിരുന്നു .. പക്ഷെ നിരാശയായിരുന്നു ഫലം... 

ഒടുവിൽ 6 മാസം കഴിഞ്ഞ് പുഷ്പം രാജകുമാരന് സമ്മാനിക്കേണ്ട ദിവസം വന്നെത്തി...

 വിത്ത് മുളച്ചില്ലെങ്കിലും അവളും കൊട്ടാരത്തിലേക്ക് പോയി...

വന്ന യുവതികൾ ഓരോരുത്തരായി അവർ കൊണ്ടുവന്ന വ്യത്യസ്ത നിറങ്ങളിലുള്ള പുഷ്പങ്ങൾ രാജാവിന് സമ്മാനിച്ചു... 

അവസാനം രാജാവ് പ്രഖ്യാപിച്ചു: 

" എന്റെ കൊട്ടാരം പരിചാരികയുടെ മകളെ രാജ്ഞിയായി തെരെഞ്ഞെടുത്തിരിക്കുന്നു.."

എല്ലാവരും അദ്ഭുതത്തോടെ കാരണം അന്വേഷിച്ചു.. രാജകുമാരൻ വിശദീകരിച്ചു: 

"ഞാൻ നിങ്ങൾക്ക് നൽകിയത് പുഴുങ്ങിയ വിത്തുകളായിരുന്നു...

 അവ  ഒരിക്കലും മുളക്കുകയില്ല...

ഈ യുവതി മാത്രമാണ് 

രാജ്ഞിയാകാനുള്ള യഥാർത്ഥ പുഷ്പം വിരിയിച്ചത്..

അത് 'വിശ്വസ്തതയുടെ പുഷ്പ'മാണ്..